Çdo person ka të drejtë që të përpilojë, parashtrojë dhe të marrë përgjigje ndaj një peticioni, për çfarëdo çështje lidhur me përgjegjë sinë dhe kompetencat e komunës. Peticioni mundet të ketë të bëjë më ankesë apo kërkesa të caktuara. Në mënyrë të përgjithshme neni 5 i Udhëzimit Administrativ për Transparencë në Komuna bën përcaktimin e procedurës së shqyrtimit të peticionit.
Çështja e numrit të nënshkrimeve të kërkuara për peticion është objekt i sfidave sa i përket shqyrtimit të saj nga Kuvendi, për atë se peticioni ka arritur numrin e caktuar me ligj apo jo.
Përderisa Rregullorja për Procedurën e Hartimit dhe Publikimit të Akteve të Komunës në nenin 13, pika 1.5. në mënyrë indirekte kërkon që peticioni të jetë nënshkruar nga 15% e qytetarëve të komunës përkatëse me të drejtë vote kur propozohen akte normative, në anën tjetër komunat në mënyrë të veçantë kanë përcaktuar procedurat dhe numrin e kërkuar të nënshkrimeve për shqyrtimin e peticioneve përmes statutit dhe rregulloreve të punës nga ana e Komunave. Kështu që është objekt i diskutimeve se a përmban peticoni propozim për ndryshimin e akteve normative apo jo. Prandaj duhet që gjithmonë të pyetet komuna dhe të kërkohet informimi i saktë lidhur me procedurat ashtu që të mirret parasysh peticioni. Gjithsesi për të eleminuar paqartësi, peticioni do të ishte mirë që të dorëzohej para se të miratohej akti normativ i caktuar.